Catherine Nzuzi wa Mbombo

Catherine Nzuzi wa Mbombo, butukaka na kilumbu ya 19 ya ngonda ya kumi na iya na mvu 1944 na Tshumbe Sainte Marie na Sankuru yina vandaka ntete parti ya Kasaï ya Esti, kele nkento ya politiki ya République Démocratique du Congo. Yandi katukaka na Kananga na Kasaï ya Westi bubu yayi bake bokilaka yawu Kasaï ya Katikati na teritware ya Kazumba, yandi vandaka fwidi yabakala mpe mama ya bana 6.

Disolo ya luzingu

Catherine Nzuzi wa Mbombo yantikaka kisalu na yandi ya nkento ya politiki ntangu yandi vuandaka na bamvula kumi zolenatatu 23 na kisalu ya bourgmestre (maman) ya commune ya Gombe (1968-1970), commune ya kuluta lukumu na insi nakatiyaba bourgmestre ya ntama Marie-Rose Kasa-Vubu (1971-1974), Albert-Joseph Kasongo Wa Kapinga (1982-1988) vandaka na kati ya bantu yina bo ponaka ntete na kuvanda ba bourgmestres ya mbanza yai. Catherine Nzuzi wa Mbombo vandaka na kati-kati ya ministre ya intérieur ti guvernere ya provense bonso inspecteur ya provense zole to tatu mpe yandi vandaka commissaire ya provense, kilandi ya guvernere ya mbanza Kinshasa, guvernere ya Province ya Bas-Zaire banda 1972 tii 1974, mpe guvernere ya Kinshasa. Yandi vandaka muntu ya biro ya politiki ya MPR, parti-état, na nima muntu ya Komite ya Kati ya MPR. Kisalu ya kuluta nene yayi yandi vuandaka nayawu vuandaka ya kilandi ya zole ya ntwadisi ya Komite ya Kati ya MPR. Kisalu yai, na kutadila nsiku ya ntangu yina, vandaka kiteso mosi ti kilandi ya prezida ya insi. Na nima ya kubwa ya luyalu na mvu 1997, yandi yingaka prezida Mobutu na ntu ya parti, MPR-fait privé.

Yandi kele ministre ya Solidarité et des Affaires humanitaires yantika na kilumbu ya 30 Yuni 2003 na luyalu ya transition (na nima ya masolo ya ba congolais yina salamaka na Sun City, na Afrika ya Sudi). Na mvu 2006, yandi mekotaka na vote ya ntwadisi ya insi, na zina ya MPR. Na nima ya kukangula Zaire na demokrasi na mvu 1990, tii na kubwa ya luyalu, yandi vandaka ndongisi ya mfumu ya insi.