Marie-Madeleine Mienze Kiaku

Marie-Madeleine Mienze Kiaku kele nkento ya politiki ya Républika Démocratika du Congo. yandi kele kilandi ya ministre ya malongi ya nene mpe ya iniversite na luyalu ya Gizenga I mpe bo vutulaka yandi na kisalu yina na luyalu ya Gizenga II.

Disolo ya luzingu

Marie-Madeleine Mienze, yina katukaka na provense ya Kongo-Central, kotaka na politiki bonso kilandi ya guvernere ya provense ya Congo-Central. Yandi vandaka conseillère principale na cabinet ya Abdoulaye Yerodia Ndombasi.  Na vula ya 2006, ba ponaka yandi na kuvanda depute ya Mbanza-Ngungu. Na Februari 2007, ba tulaka yandi kilandi ya ministre ya malongi ya nene mpe ya iniversite na luyalu ya Gizenga I mpi bo vutulaka yandi diaka na kisalu yina na luyalu ya Gizenga II.

Na septembre 2007, ba ponaka yandi bonso kilandi ya sekretere ya nene ya Parti ya nkangu samuna reconstruction ya démocratie (PPRD) na kisika ya Marie-Ange Lukiana Mufwankolo.