Tisya Mukuna

Tisya Mukuna butukaka na Repubilika Dimokalasi ya Congo, muntu ya ntete mpe ntwadisi ya "la Boite" SARL, kompani mosi yina ke salaka bisalu mingi, mingi-mingi bilanga ya kafe na Repubilika Dimokalasi ya Congo.

Disolo ya luzingu

Tisya Mukuna butukaka na Repubilika Dimokalasi ya Congo na mvula 1992, ntangu yandi vuandaka na mvula mosi, yandi na dibuta na yandi ya mvimba kwendaka insi ya France.

Yandi kele na diplome ya masters na marketing na Institut d'économie scientifique et de gestion mpe na manima diplome ya Master of business administration na 2017 na Shanghai international studies university na Chine.

Na nima ya kulonguka, yandi bakaka lukanu ya kuvutuka na insi na yandi mpe kuzinga kuna, na nsadisi ya tata na yandi, yina ke sansaka bambisi ya masa. Yandi me yantika kukuna kafe sambu yandi ke zolaka kukunua. Mpe na mvula 2018, yandi salaka kompani mosi yina yandi ke binga "la Boite",. Yawu ke salaka bonso karto ya bangindu yina ntu-diambu na yawa kele "kimvuka, beto kele ngolo mingi". Bampasi yina yandi kutanaka na yawu na kisalu lembisaka yandi ve. Muntu yina me kwelaka fwete vuanda na bukati-kati na kati ya yinzo mpe kisalu; yandi ke tuba nde yawu kele yimbi na kukwikila nde nkento lenda nunga ve yandi mosi. Kana beto kwikila na lukanu na yandi, beto lenda nunga mambu yonso ya mpasi.

Kafe ya Kinoise

Kafe 100% ya congo me kuna na Kinshasa na mois ya provense ya Congo, na commune ya Mont-Ngafula.

Ntangu yandi kuwaka nde kafe ke yelaka ve na Kinshasa, Tisya Mukuna bakaka diambu mosi ya mpasi: na mvula 2019 yandi bakaka batone tatu ya kafe na kati na yo 90% ya arabica mpi 10% ya robusta. Café la Kinoise me nungaka na nsaka ya COPA yina luyalu ya Kongo yidikaka na mvula 2020, na mbongo ya banki ya ntoto ya mvimba PADMPME.

Ata bantu mingi ya ke salaka bilanga me ponaka na kuteka na bansi ya nzenza bima na bo ya kafe, kansi bo ke salaka yo ve, lukanu na bo ya ntete kele nde kafe kuvuanda malafu ya mbote mpe kupusa bantu ya Congo na kunwa bima yina bo me sala na Congo.